आजदेखि श्रीकृष्णको अन्तिम फिल्म

काठमाडौं । शुक्रवारदेखि नेपाली सिनेमा घरहरुमा स्व.नायक श्रीकृष्ण श्रेष्ठ अभिनित अन्तिम चलचित्र ‘इन्द्रबती’ प्रदर्शन हुने भएको छ । बद्री अधिकारीको निर्देशन रहेको यस चलचित्रमा विपना थापाले पनि अभिनय गरेकी छिन् ।

साहित्यकार रमेश विकलको कृति ‘अबिरल बग्दछ इन्द्रावती’मा आधारित यस चलचित्रमा यस अघि निर्देशक अधिकारीले नै सिरियल समेत बनाएका थिए ।

शुक्रवारदेखि नै अर्को फिल्म ‘जन्मभूमी’ प्रदर्शन हुने भएको छ । मोहन निरौलाको निर्देशनमा बनेको ‘जन्मभूमी’मा अनु शाह, विनोद श्रेष्ठ, निश्मा घिमिरे, ओम प्रतिक, केशब भट्टराई लगायतका कलाकारले अभिनय गरेका छन् । दिनेशराज शर्माको निर्देशन रहेको ‘लक्की सेभेन’ पनि आजैदेखि प्रदर्शन हुने भएको छ ।

अनाथ वालवालिकाको कथामा आधारित भनिएको लक्की सेभेनमा जय किशान बस्नेत र स्व.नायिका जेशिका खड्काको अभिनय रहेको छ । करिना कपुर र अर्जुन कपुर अभिनित हिन्दी चलचित्र ‘कि एण्ड का’ पनि आजै रिलिज हुने भएको छ ।

आर बाल्की निर्देशित यस फिल्ममा एक युवा जोडीको विवाहको कथा पेश गर्छ । कामकाजी युवति र वेरोजगार युवाको कथा रहेको छ यसमा ।

यो समग्री नेपाल१२३.com मा पुरै पढौं