काठमाडौं, ३ चैत । नेपाली कांग्रेसका नवनिर्वाचित केन्द्रीय सदस्य खुमबहादुर खड्काको एउटा सनसनीपूर्ण बयानले सत्तारुढ नेकपा एमालेमा खैलाबैला मच्चिएको छ ।
यो विषयमा एमाले उपाध्यक्ष वामदेव गौतमले विज्ञप्ति नै निकालेका छन् । विज्ञप्ति जारी गर्दै गौतमले तत्कालिन समयमा नेकपा एमाले फुटाउने विषयमा नेपाली कांग्रेसका नवनिर्वाचित केन्द्रीय सदस्य खड्काको संलग्नता नरहेको दाबी गरेका छन् ।
नेपाली काँग्रेसको १३ औं महाधिवेशनपछि सरकार परिवर्तनको विषयमा नवनिर्वाचित खड्काले ‘वामदेव गौतमसँग मिलेर एमाले पार्टी त फुटाए, ओली सरकार ढाल्नु के ठूलो कुरो भयो ? भनेपछि गौतमले बुधबार विज्ञप्ति जारी गरी खड्काको उक्त भनाईको खण्डन गरेका हुन् ।
उनले भनेका छन्- ‘नेपाली काँग्रेसका नवनिर्वाचित नेता खुम वहादूर खड्काले नेकपा(एमाले) विभाजनमा आफ्नो प्रमुख हात रहेको भन्दै म वामदेव गौतमलाई साक्षीका रुपमा प्रस्तुत गरेको विषय प्रति मेरो गम्भीर ध्यान गएको छ ।’
पार्टी विभाजन अघि र पछि खुमबहादुरसँग आफ्नो कुनै सम्पर्क नरहेको दाबी गर्दै गौतमले खुमबहादुर जस्ता व्यक्तिहरु एमाले विभाजनमा कुनै न कुनै तरिकाले लागेका छन् भन्ने थाहा मात्र पाएको भए आफूले पार्टी नफुटाउने उनले बताएका छन् ।
‘खुमबहादुर खड्कासँग मेरो पार्टी विभाजनका अगाडि वा तत्काल पछाडि पनि भेट भएको थिएन । खुमवहादुरसँग मैले सल्लाह गर्नुपर्ने कुनै आवश्यकता थिएन र त्यो कुनै पनि अवस्थामा महसुस पनि गरिन । खुमवहादुर खड्का सिद्धान्तसम्मत कुरा गर्ने व्यक्ति भएको कहिल्यै महसुस पनि मैले गरिन । खुमवहादुर जस्ता व्यक्तिहरु एमाले विभाजनमा कुनै न कुनै तरिकाले लागेका छन् भन्ने थाहा मात्र पाएको भए पार्टी विभाजनमा मेरो संलग्नता कुनै पनि हालतमा हुने थिएन ।’ उनले भनेका छन् ।
पार्टी फुटिसकेपछि काँग्रेस नेतृत्वको सरकारमा नेकपा(माले) सामेल हुने सन्दर्भमा खुमबहादुरसँग भेट भएको उनले स्वीकार गरेका छन् ।
गौतमले भनेका छन्– ‘उनले मलाई त्यसबेलाका आइजीपी अच्यूत कृष्ण खरेललाई हटाउने विषय तपाइले उठाउनु होला गिरीजाबाबुले मान्नुहुन्छ भनेर सुझाव दिएका थिए । त्यसलाई मैले अडान राख्नाले कोइराला सरकारमा सामेल भैसकेपछि त्यही कारण सरकारबाट हट्नुप¥यो । जुन घटना तत्कालिन नेकपा(माले) का निम्ति आत्मघाती भयो ।’
नेकपा(माले) संचालनका लागि खुमवहादुर गिरिजा प्रसाद कोइरालाबाट वा उनीहरु नजिकका व्यवसायी वा अन्य कुनै काँग्रेसका कारण मैले एक रुपैया पनि सहयोग वा अन्य चन्दा नलिएको गौतमले दाबी गरेका छन् । ‘त्यसबेला सहयोग गर्ने व्यक्तिहरु अहिले पनि जिवीत छन् र उनीहरु अहिले सबै एमाले पार्टी भित्र वा एमालेकै शुभचिन्तक भएर रहेका छन् ।’
वामदेवको विज्ञप्तिः
यस्तो थियो खुमबहादुरको सनसनीपूर्ण बयानः
नेपाली कांग्रेसका नव निर्वाचित सभापति शेरबहादुर देउवा सशक्त प्रतिपक्षको भूमिका बस्ने उद्घोष गरिरहेका बेला अर्का प्रभावशाली नेता तथा भावी उपसभापतिका रुपमा हेरिएका खड्का भने कम्यूनिष्ट नेतृत्वको सरकार लामो समय चल्न नदिने पक्षमा छन् । भ्रष्टाचारको मुद्दा लाग्नुभन्दा पहिले सांसद खरिद विक्रिमा अगुवाई गरेको खुलियाम अभिब्यक्ति दिने खड्का फेरी सरकार गिराउने र बनाउने खेलमा लाग्न पक्का पक्की नै छ । उनले पहिलो निशाना एमाले अध्यक्ष तथा प्रधानमन्त्री केपी ओली नेतृत्वको सरकारलाई बनाउने अनुमान गरिएको छ ।
खुल्ला केन्द्रीय सदस्यमा दोस्रो बढि मत ल्याएर बिजयी भएपछि खड्का फेरी कांग्रेस राजनीतिमा उदायएको राजनीतिक बृत्तमा चर्चा छ । भ्रष्टाचार प्रमाणित भई कैद सजायसमेत भोगि सकेका खड्का सांसद वा मन्त्री बन्न भने पाउने छैनन् । आफु मन्त्री नभएपनि कम्यूनिष्टको सरकार ढाल्न उनले आन्तरिक तयारी थालिसकेका छन् ।
२०५४ सालमा एमालेलाई विभाज गर्न उनले मुख्य भूमिका खेलेका थिए । गिरिजाप्रसाद कोइरालासँग मिलेर उनले एमाले विभाजन गरेका थिए । ‘त्यो बेला कांग्रेस भन्दा एमाले शक्तिशाली बन्दै गएपछि मैले नै एमाले विभाजन गरेको हुँ’ उनले एक बर्षअघि एसकाठमाडौं डटकमसँग भनेका थिए ‘एमाले विभाजन गर्न बामदेवसँग २१ पटक छलफल गरेँ र पार्टी फुटाल्न सफल भएँ ।’
एमालेबाट माले जन्माउन खड्काले बामदेव गौतमसँग लामो छलफल गरेका थिए । तीन पटक उनले तत्कालिन कांग्रेस सभापति गिरिजाप्रसाद कोइरालासँग वार्ता पनि गराएका थिए । ‘एमाले फुटाउने र त्यसपछि बन्ने सरकारमा बामदेवको पार्टी मालेलाई सरकारमा लिने, चुनावमा बर्दियाबाट जिताउने र मालेको विस्तारका लागि गिरिजाबाबुले आर्थिक सहयोग गर्ने जस्ता बिषयमा कुरा मिलेको थियो’ खड्काले भनेका थिए ‘एमाले फुट्यो तर गिरिजाबाबुले न सरकारमा लिनुभयो, न चुनाव जिताउनु भयो, त्यो बेला बामदेवलाई धोका भयो ।’
एमाले नफुटाएको भए २०५६ सालमा कांग्रेस ठुलो पार्टी नवन्ने पक्का भएपछि गिरिजा र खड्काले त्यो भूमिका खेलेका थिए । बामदेव गौतमलाई जुन आश्वासन गिरिजाले दिएका थिए पछि ति कुनैपनि पुरा भएनन् ।
यो समग्री नेपाल१२३.com मा पुरै पढौं
No comments:
Post a Comment