मिडिया परिसरमा सकेट बम भेटियो (फोटो फिचर)

– नरेन्द्रसिह कार्की

दार्चुला, ३ चैत । दार्चुला विकास संगठनमा रहेको मिडिया परिसर छेउमा बुधबार दिउँसो सकेट बम भेटिएको छ । माटो खन्ने क्रममा बेल्चामा सकेट बम फेला परेको हो ।

दार्चुला विकास संगठनको भित्र रहेका सारथी मिडिया ग्रुप, नयाँ नेपाल एफएम, लगायत पत्रपत्रिकाको कार्यालय अगाडि बम भेटिएको हो । सकेट वममा तार जडित छ । बम द्वन्द्वकालमा राखिएको हुन सक्ने अनुमान गरिएको छ ।

यद्यपी सदरमुकाम खलंगाको जिल्ला प्रहरी कार्यालय नजिकै रहेको हुँदा कसले राख्यो भनेर यकिन अनुमान कसैले गर्न सकेको छैन ।

किसनसिह धामीले माटो भएको ठाउँ खन्ने क्रममा सकेट बम फेला परेको हो । हातमा तारजडित संकास्पद वस्तु फेला परेपछि बमको आंशका भएको धामीले बताए ।

सकेट बमलाई अहिले सत्रुभञ्जन गुल्ममा रहेका नेपाली सेनाले डिस्पोज गरेको जिल्ला प्रहरी कार्यालय दार्चुलाले जनाएको छ ।

  

यो समग्री नेपाल१२३.com मा पुरै पढौं