ललितपुर, ३ चैत । प्रहरीले एक ८ वर्षीया बालिकाको अपहरणको अभियोगको दुई जनालाई पक्राउ गरेको छ ।
ललितपुर उपमहानगरपालिका–९ बालकुमारी बस्ने बलराम पाण्डेको ८ वर्षीया छोरी सम्झना पाण्डेलाई अपहरण गरी बन्धक बनाउने ललितपुर बालकुमारी बस्ने काभ्रे सिमथली–५ का १६ वर्षीय भिमसेन भण्डारी र १६ वर्षीया बिनीता बास्कोटालाई प्रहरीले पक्राउ गरेको छ ।
चैत १ गतेदेखि हराई बेपत्ता भएको सूचना प्राप्त हुनासाथ खटिएको प्रहरीले खोजतलास गर्ने क्रममा काठमाडौं चाबहिलस्थित पूर्वेली गेष्ट हाउसको कोठा नम्बर ३०२ मा बन्धक बनाई राखेको अवस्थामा फेला पारी बालिकाको उद्धार गरी दुबैजना अपहरणकारीलाई प्रहरीले पक्राउ गरेको हो ।
महानगरीय प्रहरी परिसर ललितपुरका प्रहरी नायव उपरिक्षक किसन सिंह थापाले अभियुक्त बिनिताको श्रीमान् प्रकट भन्ने बिष्णु भण्डारी चोरी मुद्धामा काभ्रेस्थित बनेपा हिरासतमा रहेको र गत फागुन २८ गते अदालतमा पेश हुँदा वकिलले मुद्दा मिलाउन ३ लाख आवश्यक पर्ने भनेपछि उनले अपहरणको योजना बनाएको अनुसन्धानबाट खुलेको बताए ।
सोहि अनुसार बिनिताले आफन्त पर्ने भीमसेनको सहारा लिएकी थिइन् । प्रहरीका अनुसार बिनिता र भिमसेनले काठमाण्डौं कोटश्वरमा भेटघाट गरी प्रखरलाई निकाल्नको लागी सुरुमा निजहरुकै चिनजानका अन्य २ बालबालिकालाई अपहरण गरी पैसा असुल गर्ने प्रयास गरेका थिए । तर सो प्रयास असफल भएपछि तेश्रा पटकमा सम्झनालाई छनौट गरी उनीहरु अपहरण तथा बन्धक बनाउन सफल भएका थिए । डीएसपी थापाका अनुसार उनीहरुले बालिकाको अभिभावकहरुबाट रु ५ लाख रुपैया फिरौती रकम मागी ३ लाख प्रकट भण्डारीलाई छुटाउन धरौटी राख्ने र बांकी एक आपसमा बांड्ने योजना अनुसार उक्त कार्य गरेको खुल्न आएको छ ।
यस्तो छ पुरा घटना विवरण (कारणसहित):
मिति २०७२।१२।०१ गते करिब १८:०० बजेको समयमा ल.पु.जि.ल.पु.उ.म.न.पा. वडा नं. ९ च्यासल स्थित आफ्नै कोठा अगाडी खेली रहेको अवस्थामा जि. काभ्रेपलान्चोक सर्सियुखर्क गा.बि.स. वडा नं. १ घर भई हाल ल.पु.उ.म.न.पा. वडा नं. ९ बालकुमारीमा कोल्ड स्टोरको ब्यवसाय गरी बस्ने बलराम पाण्डेको छोरी बर्ष ८ की सम्झना पाण्डेलाई जि. काभे्र सिमथली गा.बि.स. वडा नं. ५ स्थायी वतन भई हाल ल.पु.जि. ल.पु.उ.म.न.पा. वडा नं. ९ बालकुमारी बस्ने अ. बर्ष १९।२० कि बिनिता बस्कोटा(भण्डारी)ले लुकामारी खेल्ने भन्दैं बच्चाको दिदी र दाईलाई लुक्न लगाई सम्झना पाण्डेलाई ललाई फकाई पैंदलै बालकुमारी पुल सम्म लगी त्यस पश्चात भिमसेन दाईलाई भेट्न जाऊ भनि बालकुमारीबाट सार्वजनिक बस चढाई कोटेश्वर चोक नजिक सम्म पु¥याई बसबाट ओराली योजना अनुसार उक्त स्थानमा आई बसेका जि. काभ्रे सिमथली गा.बि.स. वडा नं. ५ बस्ने अं. बर्ष १९।२० का भिमसेन भण्डारीलाई जिम्मा दिई आफु फिर्ता भएको र तत्पश्चात निज भिमसेन भण्डारीले बच्चालाई आफुसाथ बसमा चढाई महाराजगंज तर्फ लगी सो रात टिचिङ्ग अस्पताल नजिक गेष्ट हाउसमा राखेको र अर्को दिन मिति २०७२।१२।०२ गते निजले उक्त गेष्ट हाउसबाट बच्चालाई गोपीकृष्ण हलमा लगी दिउसों २ सो पुरा र साझंको सो को एकछिन गरी दिन भर फिल्म समेत देखाई तत्पश्चात करीब १८ः०० बजेको समयमा बिनिता दिदीलाई भेट्न जाऊ भनि काठमाडौं चावहिल स्थित पुर्वेली गेष्ट हाउसमा ल्याई बन्धक बनाई राखेकोमा प्रहरी परीचालन तथा कारवाहीको कम्रमा मिति २०७२।१२।०२ गते साझं करीब २०;०० बजेको समयमा चावहील स्थित उक्त पुर्वेली गेष्ट हाउसको कोठा नं. ३०२ बाट बालीकाको सकुशल उद्धार गरी स्वास्थ्य परीक्षण समेत गराई आफन्तको जिम्मा लगाएको र उक्त घटनामा संलग्न बिनिता बास्कोटा(भण्डारी) र भिमसेन भण्डारीलाई नियन्त्रणमा लिई थप अनुसन्धान भई रहेको ।
निज बिनिता बास्कोटा (भण्डारी) को श्रीमान् प्रकट भन्ने बिष्णु भण्डारी चोरी मुद्धामा काभ्रे बनेपामा हिरासतमा रही मिति २०७२।११।२८ गते अदालतमा पेश हुदांका बखत भेटघाट भए पश्चात वकिलसंग सम्पर्क गर्दा रु. २।३ लाख जति खोज्न लगाएको र सोही २८ गते साझं बिनिता भण्डारी र भिमसेन भण्डारीले काठमाण्डौं कोटश्वरमा भेटघाट गरी प्रखर भण्डारीलाई निकाल्नको लागी रकम जम्मा गर्नको लागी कसैलाई अपहरण गरी पैसा असुली गर्ने भन्ने निष्र्कसमा पुगी सुरुमा निजहरुकै चिनजानका अन्य २ जना बालबालिकालाई अपहरण गरी पैसा असुल गर्ने प्रयास गरेको तर बिबध कारणले गर्दा अपहरण गर्न असफल भई तेश्रा पटकमा सम्झना पाण्डेलाई छनौट गरी अपहरण तथा बन्धक बनाउन सफल भएको र निज अपहरणकारीहरुले बालिकाको अभिभावकहरुबाट रु ५ लाख रुपैया फिरौती रकम मागी रु. २ लाख ५० हजार प्रकट भन्ने बिष्णु भण्डारीलाई छुटाउन धरौटी राख्ने र बांकी एक आपसमा बांड्ने योजना अनुसार उक्त कार्य गरेको खुल्न आएको छ ।
यो समग्री नेपाल१२३.com मा पुरै पढौं
No comments:
Post a Comment