आफ्ना नागरिकको तत्काल रिहा गर्न उत्तर कोरियालाई अमेरिकाको चेतावनी

४ चैत, काठमाडौं । अमेरिकाले उत्तर कोरियामा जेल सजाय तोकिएका आफ्ना नागरिकको तत्काल रिहा गर्न चेतावनी दिएको छ । उत्तर कोरियाले आफ्ना देश बिरुद्ध काम गरेको आरोपमा अमेरिकाका एक छात्रलाई १५ वर्षको श्रम जेलमा राख्ने फैसला गरेको छ ।

२१ वर्षीय ओटो वाम्बियर जनवरीमा उत्तर कोरिया गएका थिए जहाँ उनले एक होटलबात एक राजनीतिक प्रचारको नारा चोर्न लागेको अवस्थामा पक्राउ गरिएको थियो ।

हृवाइट हाउले उत्तर कोरियाले आफ्नो राजनीतिक एजेन्टको लागि अमेरिकी नागरिकलाई प्रयोग गरेको आरोप लगाएको छ । हृवाइट हाउसले अमेरिकी छात्रको माफी र तुरुन्त रिहाइको माग गरेको छ ।

बीबीसीका अनुसार पहिले कहिल्यै पनि विदेशी कैदिलाई यस्तो कठोर किसिमको सजाय दिइएको थिएन । वाम्बियर युनिभर्सिटी अफ भर्जिनियाका छात्र हुन् । २ जनवरुीमा उनलाई उत्तर कोरियाको विमानस्थलबाट पक्राउ गरिएको थियो ।

उनीमाथी सत्रुतापूर्ण काम गरेको आरोप लागेको छ । उत्तर कोरियाको सरकारी टेलिभिजनमा वाम्बियरले आफूले नारा चोर्न खोजेको स्विकार गरेका छन् । आफूलाई घुमाउन ल्याउने चर्चको समूहले यादगार चिज खोज्न भनेका थिए ।

उत्तर कोरियामा अमेरिकी पर्यटन कानूनी रुपमा स्विकार्य भएपनि अमेरिकाको विदेश मन्त्रालयले उत्तर कोरियाको भ्रमण नगर्न सल्लाह दिदै आएको छ ।

यो समग्री नेपाल१२३.com मा पुरै पढौं