भारतीय कम्पनी रिंगिंग बेल्सले हालै २५१ भारु मूल्य पर्ने दुनियाकै सबैभन्दा सस्तो स्मार्टफोन सार्वजनिक गर्यो । यो स्मार्टफोन खरीद गर्नका लागि कम्पनीको वेबसाइटमा आफ्नो नाम दर्ता गराउन कम्पनीले आग्रह गरेको थियो र सोही बमोजिम अहिलेसम्ममा ७ करोड भन्दा बढिले आफ्नो नाम दर्ता गराएको कम्पनीले जनाएको छ ।
स्मार्टफोन लन्च गरेसँगै कम्पनीका निर्देशक मोहित गोयललाई कैयौँ प्रश्न तथा आशंकाको सामना गर्नुपरेको छ । नोएडास्थित उनको कार्यालयमा प्रहरी तथा आयकर अधिकारीहरु सम्म आए । यति सस्तो मूल्यमा स्मार्टफोन बेच्न सम्भव नै नभएको र सस्तो मूल्यमा घाटा खाएर स्मार्टफोन बेच्नुका पछाडि दालमा केही कालो रहेको आशंका कतिपयको छ । तर मोहित भने स्मार्टफोन तोकिएको मूल्यमा बेच्नेमात्र होइन की यसबाट मुनाफा पनि कमाउने दाबी गर्दछन् । एउटा स्मार्टफोनबाट ३१ भारु नाफा कमाउने उनको दाबी छ ।
टाइम्स अफ इण्डियासँगको अन्तरवार्तामा उनले भनेका छन्ः थाहा छैन, मेरो पछाडि किन सबै लागिरहेका छन् । मैले के गलत गरेको छु र ?
आगामी १५ अपि्रलदेखि यो अढाइ सय भारुको स्मार्टफोनको बिक्रि सुरु हुने दाबी उनकेा छ ।
आपूर्ति कम हुने हुनाले पहिलो चरणमा केवल २५ लाख गोटा फोनको लागि अर्डर लिइने र अरु बाँकी २५ लाख अफलाइन वितरकलाई दिइने उनको भनाइ छ ।
२ सय ५१ भारुमा स्मार्टफोन बेच्दा समेत त्यसको लागत उठाएर उल्टै नाफा कमाउन कसरी सम्भव छ ? भन्ने प्रश्नमा उनी भन्छन्ः इकोनोमिज अफ स्केल अर्थात् ठूलो परिमाणमा हुने उत्पादनले मूल्य कम हुन्छ र यो उत्पादन स्थलमै यसको लागत १२ सय भारुमा झर्नेछ । अनलाइन बिक्रिका कारण यसको मार्केटिंग तथा बिक्रिमा लाग्ने खर्च पनि कम हुनेछ र हामीले थप बचत प्राप्त गर्नेछौँ ।
यसका अलावा हामीले पिगिब्याक मार्केटिंग गर्नेछौँ जसका माध्यमबाट यसमा अन्य कम्पनीको एप्लिकेसन लोड हुनेछ । यसबाट हामीलाई ३ सय भारु प्रति सेट फाइदा हुनेछ ।
उनले विभिन्न इ कमर्श कम्पनी तथा ट्राभल कम्पनीहरुले पनि आफ्नो एप यो स्मार्टफोनमा हाल्न अनुरोध गरिरहेको बताए । साथै कम्पनीको वेबसाइट हेर्नेहरुको ट्राफिकबाट पनि विज्ञापनमार्फत पैसा कमाइने उनको दाबी छ । यी सबैका माध्यमबाट २ सय ५१ भारुमा स्मार्टफोन बेच्दा समेत ३१ भारु फाइदा कमाउन सकिने जिकिर उनको छ ।
यो समग्री नेपाल१२३.com मा पुरै पढौं
No comments:
Post a Comment