काठमाण्डु, ११ वैशाख– प्रहरीले नेक्रविक्रम चन्द ‘विप्लव’ नेतृत्वको नेकपा माओवादीका आधा जर्दन बढी नेता कार्यकर्तालाई शनिबार साँझ राजधानीबाट पक्राउ गरेको छ ।
काठाण्डुको कपनस्थित बालउद्धार माविमा भएको कार्यकर्ता प्रशिक्षणपछि उनीहरुलाई पक्राउ गरिएको नेकपा माओवादी काठमाण्डु जिल्ला सदस्य वसन्त भेटवालले जानकारी दिए ।
पक्राउ पर्नेमा केन्द्रीय सदस्य माइला लामा, काठमाण्डु जिल्ला समिति सदस्य चिरञ्जिवी ढकाल र रामबहादुर लामालगायत छन् ।
भेटवालका अनुसार पार्टीका पोलिटुब्युरो सदस्य एवं उपत्यका ब्युरो इन्चार्ज सन्तोष बुढामगरको उपस्थितिमा भएको प्रशिक्षण सम्पन्न भएपछि घर फर्कने क्रममा उनीहरु पक्राउ परेका हुन् ।
माइला लामा र ढकाललाई बानेश्वर प्रहरी बृत्त र अन्यलाई बौद्ध प्रहरीको हिरासतमा राखिएको भेटवालले बताए । प्रहरीले भने त्यसबारे केही बताएको छैन ।
यो समग्री नेपाल१२३.com मा पुरै पढौं
No comments:
Post a Comment