लुक्ला विमानस्थलमा बम नभएको पुष्टि

१७ फागुन, काठमाडौं । सोलुखुम्बुको लुक्ला विमानस्थलमा अवतरण गरेको सिम्रिक एयरको जहाज भित्र बम नभएको पुष्टि भएको छ । बम नभएको पुष्टि भएपछि जहाजहरू काठमाडौं उड्ने तयारीमा छन् ।

सोलुखुम्बुका प्रमुख जिल्ला अधिकारी कृष्णप्रसाद शर्माले अनलाइनखबरसँग भने, ‘बम भएको भन्ने गलत सूचना रहेछ, अब केहीबेरमा जहाजहरू काठमाडौं उड्छन् ।’

काठमाडौंबाट लुक्ला विमानस्थलमा सोमबार बिहान अवतरण गरेको सिम्रिक एयरको डोनियर जहाजभित्र भेटिएको कागजमा खबरदार ‘जहाजमा बम छ’ लेखिएको थियो । उक्त कागज भेटिएपछि विमानस्थलमा त्रास फैलिएको थियो । सुरक्षा जाँचका लागि केहिबेर उडान अवतरण सबै बन्द गरिएको थियो ।

प्रमुख जिल्ला अधिकारी शर्माले सुरक्षाकर्मीले बम नभएको क्लीयरेन्स दिइसकेको जानकारी दिए । गलत हल्ला फैलाएर जनजीबन त्रसित बनाउनेको अनुसन्धान भइरहेको उनले बताए ।

यद्यपी त्रास फैलाउने व्यक्तिको पहिचान भइसकेको छैन । यसबारे अनुसन्धान भइरहेको उनले अनलाइनखबरलाई जानकारी दिए ।

यो समग्री नेपाल१२३.com मा पुरै पढौं