सेल्फी खिच्दा नारायणी नदीमा युवती बेपत्ता

फाल्गुन १६, २०७२- सेल्फी खिच्दा चितवनको भरतपुर उपमहानगरपालिकास्थित नारायणी नदीमा डुबेर आइतबार दिउँसो १ बजेदेखि एक युवती बेपत्ता भएकी छिन । अर्की युवतीको उद्धार गरिएको छ ।

नवलपारीको गैंडाकोट १६ बस्ने १८ वर्षीया नम्रता सापकोटा र सोही ठाउँकी उनकी साथी विस्मिता ज्ञवाली नदीमा डुबेका थिए । बग्दै गरेको अवस्थामा प्रत्यक्षदर्शी श्याम थापाले ४० मिटर परबाट नम्रतालाई सकुशल उद्धार गर्न सफल भए पनि विस्मिता भेटिइनन् ।

ईलाका प्रहरी कार्यालय नारायणगढका प्रहरी निरीक्षक सत्यनारायण थापाका अनुसार दुबै जना अरुणा कलेजका विद्यार्थी हुन् ।

‘नदीको किनारमा सेल्फी खिच्ने क्रममा चिप्लेर युवती डुबेको खबर आएको छ,’ उनले भने, ‘एक जना साथी चिप्लेर खसेपछि अर्की पनि डुबेकी रहिछन‍् ।’ बेपत्‍ता युवतीको खोजतलास जारी छ ।

यो समग्री नेपाल१२३.com मा पुरै पढौं