यी हुन् यो बर्ष तपाइँको हातमा पर्न सक्ने नयाँ स्मार्टफोन

स्पेनको पर्यटकीय शहर बार्सिलोनामा हरेक बर्ष फेब्रुअरी महिनामा मोबाइलको बिश्व मेला लाग्ने गर्छ । ‘मोबाइल वल्र्ड कंग्रेस’ नाम दिइएको यही मेलामा हरेक बर्ष बिश्वका ठूला फोन निमार्ताहरुले आफ्ना नयाँ उत्पादन सार्वजनिक गर्छन् ।

बार्सिलोनामा हालै सकिएको मोबाइल वल्र्ड कंग्रेस-१६ मा पनि प्रायः सवै ठूला स्मार्टफोन उत्पादकहरुले आफ्नो नयाँ उत्पादन सार्वजनिक गरे ।

यहाँ सार्वजनिक भएकै फोनहरुले मोटामोटी यो बर्ष बिश्वको स्मार्टफोन बजारमा राज गर्छन् । एप्पलको आइफोनबाहेक प्रायः सवै ठूला फोन उत्पादकले यहाँ आफ्ना नविन उत्पादनहरु सार्वजनिक गरे ।

जसमा सामसुङ, एलजी, साओमी, हुवेइ, जेडटीइ, एचटीसी, पानासोनिक, एचपी, जियोनी र एसर लगायतले उत्पादन गरेका केही उत्पानहरुको हामी यहाँ चर्चा गर्दैछौं ।

सामसुङ एस ७ र एस ७ एज

सामसुङले ग्यालेक्सी सेरिजका नयाँ फोनहरु सार्वजनिक गरेको छ । ग्यालेक्सी एस ७ र ग्यालेक्सी एस ७ एज पि्रमियम फोनहरु सार्वजनिक भए । जसमा एस ६ र एस ६ एजमा भन्दा धेरै नयाँ सुविधाहरु उपलब्ध छन् ।

पानी नछिर्ने, स्क्रिन लक भएका बेला पनि समय र मिति हेर्न मिल्ने, मेमोरी बढाउन सकिने एसडी कार्ड तथा ठूलो क्षमताका ब्याट्री सामसुङका नयाँ फोनका बिशेषता हुन् ।

एलजी, जी-५

कोरियाली स्मार्टफोन उत्पादक एलजीले लोकपि्रय जी सेरिजको नयाँ भर्सन जी-५ सार्वजनिक गर्‍यो । एलजीले सार्वजनिक गरेको जिफाइभ स्मार्टफोन टुक्रा गाँसेर बनाइएको छ । यसको अर्थ के भने यसबाट ब्याट्री झिकेर त्यसमा एलजी क्याम प्लस, क्यामेरा गि्रप तथा सटर एसेसरिज राखेर प्रयोग गर्न पनि सकिन्छ ।

जेड टी ई, एसप्रो प्लस

स्पेनको बार्सिलोनामा जारी मोवाईल वर्ल्ड कंग्रेस- २०१६ मा मोवाइल कम्पनी जेड टी ईले नयाँ मोडल सार्वजनिक गरेको छ । मेलामा जेडटीईले पोर्टेबल स्मार्ट प्रोजेक्टरसहितको एसप्रो प्लस सार्वजनिक गरेको हो । स्मार्ट प्रोजेक्टरले एस्टर्नल युएसवी क्यामरासँगको सहकार्यमा मल्टी पार्टी भिडियो कम्युनिकेसन गर्न सहयोग मिल्छ ।

एचटीसी, डिजायर ५३० र डिजायर ६३० 

मोवाईल वल्र्ड कंग्रेसमा अर्को मोवाईल कम्पनी एचटीसीले भने दुई स्मार्टफोनहरु सार्वजनिक गरेको छ । एचटीसीले आफ्ना नयाँ उत्पादनहरु डिजायर ५३० र डिजायर ६३० सार्वजनिक गरेको हो ।

पानासोनिक, टफप्याड एफ जेड-एफ वान र टफप्याड एफजेड-एन वान

मोवाइल बल्र्ड कंग्रेसमा पानासोनिक कम्पनीले पनि दुई स्मार्टफोनहरु सार्वजनिक गरेको छ । पानासोनिकले टफप्याड एफ जेड-एफ वान र टफप्याड एफजेड-एन वान सार्वजनिक गरेको हो । जसमा विन्डोज टेन र एन्ड्रोइड ५.१ लोलीपप अपरेटिङ सिस्टम छ ।

हुवेइ, म्याटबुक

हुवेइले बार्सिलोना विश्व मोवाइल मेलामा म्याटबुक सार्वजनिक गरेको छ । विण्डोज १० सफ्टवेरमा मोवाइल र ल्यापटक दुवैको काम गर्नसक्ने गरि उत्पादन गरिएको हुवेइको यस मोडल ६ प्रकारको छ । जसको मूल्य ६९९ डलरदेखि १९९९ डलरसम्म पर्नेछ ।

एचपी, इलाईट एक्स थ्री

अर्को मोवाइल कम्पनी एचपीले बिश्व मोवाइल मेलामा पछिल्लो मोडलको स्मार्टफोन सार्वजनिक गरेको छ । विण्डोज १० सफ्टवेर रहेको इलाईट एक्स थ्री स्मार्टफोन सार्वजनिक गरको हो ।

जीयोनी, एस एट

चिनियाँ स्मार्टफोन कम्पनी जियोनीले बिश्व मोवाइल मेलामा एस एट स्मार्टफोन सार्वर्जनिक गरेको छ । एप्पलका उत्पादनमा प्रयोग भएकै प्रबिधिको थ्रीडी टचस्क्रीनको प्रयोग गरिएको छ । यसको मूल्य ४४९ युरो तथा ३४ हजार भारतीय रुपैयाँ पर्छ ।

एसर, लिक्विड जेड टू

चिनियाँ स्मार्टफोन कम्पनी एसरले पनि आफ्नो पछिल्लो उत्पादन इसर लिक्विड जेड टू विश्व मोवाइल मेलामा सार्वजनिक गरेको छ । तर कम्पनीले अहिलेसम्म यस मोडलको मूल्य र नयाँ फिचरबारे जानकारी गराएको छैन।

यो समग्री नेपाल१२३.com मा पुरै पढौं