तपाइलाई चलचित्रमा अभिनय गर्न नजान्ने नायकको रुपमा धेरैले आलोचना गर्छन्, के भन्नुहुन्छ भन्ने प्रश्नमा अहिलेका हट केक नायक अनमोल केसीले रोचक जवाफ फर्काए । उनले भने-‘हेर्नुहोस् अहिले मैले जे गरिरहेको छु, त्यो ठिक छ । यो भन्दा बढी पर्फमेन्स मैले दिनै मिल्दैन ।’
अनमोलका अनुसार यदि उनले अभिनय नराम्रो गरेको भए चलचित्र नै चल्दैनथ्यो । उनले भने-‘ब्याड लुकिङ भएकाले अभिनय गर्दा देखिन्छ, किनकी उनीहरुको लुक्समा दर्शकको ध्यान जाँदैन । तर, गुड लुकिङ हुने नायकको लुक्सले एक्टिङलाई ओझेलमा पारिदिन्छ ।’ उनले बलिउड नायक नाना पाटेघरको उदाहरण दिदै उनको ‘ब्याड लुकिङ’का कारण उनको अभिनय देखिएको बताए ।
अर्को एक प्रसंगमा अनमोलले आफूले नेपाली चलचित्र नराम्रो हुन्छ भन्नेहरुको सोच परिवर्तन गर्न खोजेको बताए । उनले भने-‘ मेरो केही साथीहरु नेपाली चलचित्र पनि कसैले हेर्छ भन्छन् । हामीले हलिउड र बलिउडका महंगा चलचित्रसँग प्रतिस्पर्धा गरिरहेका छौ । यो नगरि बचाउने जिम्मा हाम्रो नै हो । यसैले नेपाली चलचित्र नराम्रो हुन्छ भन्नेहरुलाई परिवर्तन गर्न मैले खोजेको हुँ ।’
अनमोलले आफू चलचित्र खेल्ने बिषयमा खुबै चुजी भएको बताए । उनका अनुसार अहिलेसम्म उनले ३० वटा जती चलचित्र छाडिसकेका छन् । उनले चलचित्रको अफर गर्न आउने निर्मातालाई धेरै प्रश्न सोध्ने गरेको जानकारी दिए । उनले भने-‘मैले जती पैसा मागेपनि दिन तयार हुनुहुन्छ । तर, चलचित्र गर्ने भएपछि कलाकारदेखि क्रिउका सदस्य समेत सबै मिल्नुपर्छ ।’
उनले आफूले बर्षमा धेरै चलचित्र नखेल्ने जानकारी दिए । एउटा कलाकारले क्रेज बचाउनका लागि महिना-महिना दिनमा हलमा आउन नहुने वुझाई अनमोलको छ । यसैले आफूले बर्षमा एउटा मात्र चलचित्र खेल्ने सोच बनाएको अनमोलले बताए ।
यो समग्री नेपाल१२३.com मा पुरै पढौं
No comments:
Post a Comment