सरकारी निर्णयले यी सबै कम्पनीलाई ठूलो धक्का

काठमाडौं, ५ चैत । सरकारले निजी क्षेत्रलाई पेट्रोलियम पदार्थ आयात गर्न दिने पूर्ण निर्णय खारेज गरेको छ ।

मन्त्रिपरिषदको बिहीवार बेलुका बसेको बैठकले नेपाल आयल निगमबाहेक अन्य कुनै निकायले इन्धन आयात गर्न नपाउने निर्णय गर्दै यसअघिको निर्णय फिर्ता लिएको हो । नागरिक दैनिकले समाचार लेखेको छ ।

सरकारको यो निर्णयसँगै विराट पेट्रोलियम लगायत पेट्रोलियम आयात गर्न यसअघि अनुमति पाएका ३५ कम्पनीको इजाजत खारेज भएको छ ।

सोही आधारमा विराटले नाकाबन्दीकालमा पेट्रोल आयात गरी चर्को मूल्यमा बेच्दै आएको थियो ।

सूचना तथा सञ्चामन्त्री शेरधन राईले भारतीय नाकाबन्दीले इन्धन आपूर्तिमा समस्या भएपछि सरकारले निजी क्षेत्रलाई आयात गर्न अनुमति दिने व्यवस्था हटाइएको जानकारी दिए ।

यसअघि बिहीवार लेखा समितिले विराट पेट्रोलियमलाई इन्धन विक्री बन्द गर्न र निजी क्षेत्रका ३५ कम्पनीलाई दिइएको आपूर्ति इजाजत रद्द गर्न सरोकार निकायलाई निर्देशन दिएको थियो ।

यो समग्री नेपाल१२३.com मा पुरै पढौं