चीन विरोधी गतिविधिमा राजदूतले यसरी देखाए चासो

काठमाडौं, ५ चैत । चिनियाँ राजदूत ऊ चुन्ताईले भारत भ्रमणबाट फर्केका संयुक्त लोकतान्त्रिक मधेसी मोर्चाका नेतालाई शुक्रबार भेटेर संविधानविरुद्ध मधेस आन्दोलन गरिनुको कारणबारे सोध्ने भएका छन् ।

बिहीबार भेट तय गर्ने क्रममा चिनियाँ पक्षले आन्दोलनबारे जिज्ञासा राखेको र वार्ता सोही विषयमा केन्द्रित हुने स्रोतले बतायो । अन्नपूर्ण पोष्ट दैनिकले समाचार छापेको छ ।

चिनियाँ राजदूतसँग भेटको समय मिलाएका संघीय समाजवादी फोरम नेपालका सह–अध्यक्ष राजेन्द्र श्रेष्ठले भने, ‘आन्दोलनका क्रममा राज्यशक्तिको घुसपैठबाट भएको चीनविरोधी गतिविधिबारे जानकारी दिँदै मधेसी मोर्चा, गठबन्धन र आदिवासी जनजातिसमेतको विरोधमा जारी भएको संविधान अस्वीकार गर्न आग्रह गर्छौं ।’

दुई तिहाइ बहुमतबाट पारित संविधानले आफ्ना एजेन्डा सम्बोधन नगरेको भन्दै मधेसकेन्द्रित दलले तराई मधेसमा आन्दोलन गर्ने क्रममा भएका चीनविरोधी गतिविधिप्रति चासो राख्दै आएको चीनले प्रधानमन्त्री केपी ओलीको भ्रमणअघि राजदूतलाई मोर्चाका नेतासँग परामर्श गर्न लगाएको स्रोतले बतायो ।

यो समग्री नेपाल१२३.com मा पुरै पढौं