समयमा ऋण असुली नहुँदा कृषि विकास बैंक इलाम शाखाले कर्जा लगानी घटाएको छ ।
विभिन्न व्यावसायिक प्रयोजनका लागि बैंकबाट रु ५० हजारदेखि एक करोडसम्म ऋण लिने ऋणीले समयमा ब्याज र साँवा रकम नबुझाउँदा नयाँले समेत ऋण पाउनबाट वञ्चित हुनुपरेको हो ।
शाखाबाट ऋण लिने ऋणीको सङ्ख्या ९०० छ । बैंकले हालसम्म रु २७ करोड ऋण लगानी गरेको छ । त्यसमा भाखा नाघेको ऋणीको सङ्ख्या २२५ रहेको छ । रु साढे चार करोड ऋण भाखा नाघेको छ ।
भाखा नाघेका ऋणीलाई साँवा र ब्याज बुझाउनका लागि पटकपटक लिखित र मौखिक रूपमा ताकेता गरे पनि अटेर गरिरहेकाले त्यस्ता ऋणीको नाम कालोसूचीमा राख्ने तयारी भइरहेको बैंकका कर्जा अधिकृत केशव कट्टेलले बताउनुभयो ।
उहाँका अनुसार बैंकले सबैभन्दा बढी कृषि÷पशुपालनमा ४८ र उद्योगधन्दामा ५२ प्रतिशत ऋण लगानी गरेको छ । त्यसमा १६ प्रतिशत भाखा नाघेको ऋण छ ।
ऋण लिन तथा नयाँ पुरानो गर्दै आएका ऋणीका लागि बैंकमा व्यावसायिक योजनाको प्रस्तावसहित जग्गा धितो राम्रो स्थानमा भएको हुनुपर्ने र त्यस्ता ठाउँ उपयुक्त लागेको खण्डमा अनुगमन गरेर ऋण दिन सकिने बैंकले जनाएको छ ।
केन्द्रीय कार्यालयबाटै ऋण असुल नहुञ्जेल लगानी नगर्न निर्देशन आएकाले कर्जा लगानी रोकिएको बैंकले जनाएको छ । ऋण असुल नहुँदा बैंकको निक्षेप पनि घट्दै गएको छ । रासस
यो समग्री नेपाल१२३.com मा पुरै पढौं
No comments:
Post a Comment