होली खेल्न करिश्मा निवास पुगेका बाबुरामले के भने ?

फागू पूणिर्मामा कार्यक्रम आयोजना गर्ने कलाकारको तछाडमछाडका विच नायिका करिश्मा मानन्धरको निवासमा भने छुट्टै रौनक देखियो । करिश्माले लामो समयदेखि होली पर्व आयोजना गर्दै आएकाले पनि कलाकारदेखि पत्रकारको उपस्थिती बाक्लै हुने गरेको पाइन्छ ।

यसपटक पनि करिश्माले आयोजना गरेको होलीमा कलाकारदेखि पत्रकारको बाक्लो उपस्थिती देखियो । झन्, यसपटक त नयाँ शक्ति नेपालका संयोजक डाक्टर बाबुराम भट्टराई पनि करिश्मा निवास पुगे ।

बाबुरामले टिका लगाएर उपस्थित कलाकारसँग रमाइलो गरे । उनले दुखका बेला पनि सुखको खोजी गर्न पर्छ भन्दै कलाकारलाई शुभकामना दिए । यो भाइचाराको चाड हो भन्दै उनले नेपालीहरुले लामो यात्रा गर्नुछ भने । उनले दुख कष्ट विर्सिएर नयाँ ढंगले सोच्न नेपालीलाई आग्रह गरे । नयाँ नेपाल निर्माण गर्नका लागि नयाँ ढंगले हिडेको उनले बताए ।

करिश्माले आयोजना गरेको होली पर्वमा हाँस्य कलाकार, चलचित्रका कलाकारदेखि पत्रकार झुमेका थिए । हाँस्य कलाकार जोडी सिताराम कट्टेल र कुञ्जना घिमिरे, गायिका कोमल वली, नायक सरोज खनाल, आर्यन सिग्देल, रमेश उप्रेती लगायतले मानन्धर निवासमा होली खेले । यस्तै, नायिकाहरुको उपस्थिती पनि बाक्लै देखियो ।

समाचार सौजन्यः अनलाईन खबर

यो समग्री नेपाल१२३.com मा पुरै पढौं