१० चैत, काठमाडौं । गोली काण्डमा रिहा भएलगत्तै ठगी आरोपमा पक्राउ परेका ल्हारक्याल लामालाई बुधबार वैदेशिक रोजगार बिभागमा लगिएको छ । उनलाई विभागका अधिकारीहरूले बयान लिएका छन् ।
२०७० सालमा केशबहादुर लामाले वैदेशिक रोजगारीमा आफूलाई ठगेको भन्दै लामाविरुद्ध वैदेशिक रोजगार विभागमा उजुरी दर्ता गराएका थिए ।
गत सोमबार गोलीकाण्डमा धरौटीमा छुटेका एमाओवादीका तत्कालीन सांसद लामालाई प्रहरीले जिल्ला प्रशासन कार्यालय काठमाडौंको गेटबाट निस्कनासाथ पक्रेको थियो ।
अकुत सम्पत्ती छानविन गरिरहेको अख्तियारले लामाको बैंक लकरमा गोली फेला पारेपछि प्रहरीको जिम्मा लगाएको थियो । गोली काण्डमा जिल्ला प्रशासन कार्यालय काठमाडौंले ६६ हजार ७५० धरौटीमा रिहा गर्न आदेश दिएको थियो ।
समाचार सौजन्यः अनलाईन खबर
यो समग्री नेपाल१२३.com मा पुरै पढौं
No comments:
Post a Comment