काठमाडौं, १० चैत । होली नमनाउन अपील गरेको मधेसी मोर्चाकै नेताहरुले सुरुमै आफैले होली मनाएका छन् ।
सोमबार विजुलीबजारमा बसेको मोर्चाको बैठकले मधेसमा सरकारले रगतको होली खेलेको भन्दै यस वर्षको होली नखेल्ने निर्णय गरेको थियो भने होली नमनाउन सबैमा अपील गरेको थियो ।
तर, उक्त निर्णय भएको २४ घण्टा नबित्दै मधेसवादी दलका नेताहरुले आफैले होली खेले । नेताहरु मात्रै होइन् तिनका कार्यकर्ता र शुभचिन्तकले पनि रमाउँदै होली खेले । यसरी आफ्नै निर्णय लत्याउँदै मोर्चाका नेताहरु महेन्द्र राय यादवदेखि शरदसिंह भण्डारीसम्मले काठमाडौंमा भएका होलीका सार्वजनिक कार्यक्रम तथा मधेस पुगेर होलीमा रंगिएका हुन् ।
शरदसिंह भण्डारीले आफ्नै पार्टीका सभासद् दिनेश साहले जनकपुरमा गरेको होली मिलन कार्यक्रममा सहभागी भएर रमाइलो गरे । त्यसैगरी मधेसी मोर्चाको घटक संघीय समाजवादी फोरम नेपालका नेताहरुले वीरगन्जमा मंगलबारै भब्य कार्यक्रमकाबीच होली मनाए ।
यसअघि सोमबार मोर्चाले जारी गरेको विज्ञप्तिमा ‘हाम्रो संघर्षको क्रममा पाँच दर्जन भन्दा बढी आन्दोलनकारीको निर्मम नरसंहार गरिएको छ । घरमा शोकको यस्तो अवस्थामा होली मनाइँदैन’ भनिएको थियो ।
रङको होली होइन् सक्छौ भने रगतको होली बन्द गरः झा
एमाले निकट युवा संघका केन्द्रिय सचिबालय सदस्य एवं मधेस ब्यूरो प्रमुख सन्जीव झाले मोर्चाले निर्णयले संस्कृतिमाथि प्रहार भएको र जनताको उत्सव मनाउने अधिकारमा हस्तक्षेप भएको बताए ।
उनले भने- ‘सांस्कृतिक पर्व रोकेर कसैले पनि अधिकार पाउँदैन्, अर्काे कुरा आफ्नो अधिकार माग्दा अर्काको अधिकारलाई ख्याल गर्नुपर्छ । ‘होली सांस्कृतिक पर्व हो । यसमा राजनीति कोही कसैले गर्नुहुँदैन । सांस्कृतिक पर्वमा राजनीति गर्ने अधिकार कसैलाई पनि छैन ।’
उनले मोर्चालाई चुनौति दिँदै भने ‘रङको होली होइन् सक्छौ भने रगतको होली बन्द गर । रगतको होली र जनताको संस्कृतिमा हस्तक्षेप बन्द गर ।’
मंगलबार उपत्यकामा मनाइएको होली बुधबार तराईमा मनाइँदै छ । मोर्चाले होली नमनाउन अपील गरेपनि तराईमा धुमधामका साथ मधेसी जनताले होली मनाइरहेका छन् ।
समाचार सौजन: दैनिक नेपाल
यो समग्री नेपाल१२३.com मा पुरै पढौं
No comments:
Post a Comment