दाजुभाई मिलेर ब्रसेल्समा आतंककारी आक्रमण गरेको खुलासा (भिडियोसहित)

एजेन्सी, १० चैत । बेल्जियमको ब्रसेल्सस्थित विमानस्थल र मेट्रो स्टेसनमा भएका शृङ्खलाबद्ध बम विस्फोटमा संलग्न दुई जनाको पहिचान खुलेको छ । बम विस्फोटमा संलग्न संदिग्धहरुको तस्वीर सार्वजनिक भएलगत्तै उनीहरुको पहिचान खुलेको हो ।

दुई जना संदिग्धमा खालिद र ब्राहिम बार्कावी दाजुभाई भएको सुरक्षास्रोतलाई उदृत गर्दै अन्तर्राष्ट्रिय सञ्चारमाध्यमहरुले जनाएका छन् । तीन जना संदिग्धहरु जाभेन्तम् विमानस्थलमा विस्फोट हुनुअघि सँगै हिँडेको भिडियोमा देखिएको थियो । तस्वीरमा देखिएकामध्ये टोली लगाएका व्यक्तिको पहिचान भएको छैन । आत्मघाती विस्फोट गराएका दुवै दाजुभाइको घटनास्थलमै मृत्यु भएको र तेस्रो संदिग्ध व्यक्ति भने फरार भएको आशंका त्यहाँको प्रहरीले गरेको छ ।

खालिद एल बार्कावीले झुठो नाम प्रयोग गरेर बेल्जियमको राजधानी नजिकको जंगल एरियामा अपार्टमेन्ट भाडामा लिएका थिए । सोही क्षेत्रमा प्रहरीले गत साता गरेको छापामारीमा एक बन्दुकधारीको मृत्यु भएको थियो । त्यहीँ भेटिएको औठा छापहरुका आधारमा प्रहरीले पेरिस आक्रमणका मुख्य योजनाकार मानिएका साहल अब्दुसलेमलाई पक्राउ गरेको थियो ।

(हर्नुस् ब्रसेल्स आक्रमणका संदिग्धहरुको भिडियो)

यो समग्री नेपाल१२३.com मा पुरै पढौं