रामचन्द्रलाई भेट्न शेरबहादुर पुगे बोहोराटारमा, के भयो कुरा ?

काठमाडौँ, १० चैत । नेपाली काँग्रेसका सभापति शेरबहादुर देउवा र नेता रामचन्द्र पौडेलबीच भेटवार्ता भएको छ ।

वरिष्ठ नेता पौडेल निवास बोहराटारमा आज भएको भेटवार्तामा दुई नेताबीच १३ औँ महाधिवेशनपछि पार्टीलाई एक बनाएर लैजाने तथा समसामयिक राजनीतिक विषयका बारेमा छलफल भएको नेता पौडेलका सहयोगी चिरञ्जीवी अधिकारीले जानकारी दिनुभयो ।

सो भेटवार्तामा पार्टी सभापति देउवालाई नेता पौडेलले पार्टीभित्र कसैलाई काखा र पाखा नगरी नेता एवम् कार्यकर्ताको कामका आधारमा उचित मूल्याङ्कन गर्न आग्रह गर्नुभएको थियो ।

सभापति देउवाले पार्टीलाई एकजुट बनाएर अघि बढ्ने र सबैको सल्लाहका आधारमै काम गर्ने बताउनुभएको थियो ।

सो भेटवार्तामा १३ औँ महाधिवेशनपछि केन्द्रीय पदाधिकारीमा गरिने मनोनयन तथा पार्टीको आगामी संसदीय दलका नेताको चयनका सम्बन्धमा पनि छलफल भएको बुझिएको छ । रासस

यो समग्री नेपाल१२३.com मा पुरै पढौं