९ फागुन, काठमाडौं । सरकारमा बस्ने कि नबस्ने भन्ने बिषयमा एकमत नभएपछि राष्ट्रिय जनमोर्चाको महाधिवेशनमा मतदान भएको छ ।
मतदानमा सरकार नछाड्ने पक्षमा अत्यधिक मत परेको छ ।
रुपन्देहीको बुटवलमा जारी महाधिवेशनमा सरकारको काम कारबाही प्रभावकारी र सन्तोषजनक नभएको भन्दै केही नेताहरुले सरकारबाट बाहिरिनुपर्ने आवाज उठाएका थिए ।
महाधिवेशनमा सहभागीहरु सरकारमा बस्ने कि नबस्ने भनेर बिभाजित भएपछि मतदानबाट निर्णय गरिएको थियो । सरकारमा बस्ने पक्षमा २६३ र विपक्षमा १७ मत परेको छ ।
५२ जनाले भने मतदानमा भाग लिएनन् । कतिपय अनुपस्थित भएको र कतिपय ढिलो पुगेकाले मत खसाल्न नपाएको एक नेताले बताए ।
संघीयताविरुद्ध आन्दोलन जारी राख्ने निर्णय
सत्तारुढ जनमोर्चाले संघीयताको विरोधमा संघर्षका कार्यक्रम जारी राख्ने निर्णय गरेको छ । संघीयताले देश बिखण्डन गर्ने भन्दै जनमोर्चाले त्यसविरुद्ध संघर्ष जारी राख्ने निर्णय गरेको हो ।
जनमोर्चाले पार्टीलाई संघीयताको ढाँचामा नलैजाने निर्णयसमेत गरेको छ ।
यो समग्री नेपाल१२३.com मा पुरै पढौं
No comments:
Post a Comment