यी हुन संस्थापनका सबैभन्दा खतरनाक ‘दुश्मन’

– विमल योगी

कांग्रेसको १३औँ महाधिवेशनमा संस्थापन समूहले उचित व्यवस्थापन र तयारी गर्न नसक्दा सभापति पद गुमाएको छ । संस्पानको यो पीडा भूलाउन समय लाग्ला । सत्यता यही हो ।

कुशल तयारी, व्यवस्थापन र सहयोगीहरूको साथ पाएका शेरबहादुर देउवाले फराकिलो मतसहित सभापति पद हत्याउन सफल भएका छन् । सभापति पदमा पुग्ने देउवाको पूरानो सपना साकार भएको छ । यो उनको एक्लैको प्रयास होइन । टिमको सहयोग र समर्थनले उनी सफल भएका कांग्रेस महाधिवेशन प्रतिनिधिहरूले प्रतिक्रिया दिएका छन् ।

यस पटक प्रतिस्पर्धाको मैदानमा देउवा फराकिलो छाती लिएर आएको महाधिवेशन प्रतिनिधिहरूले महसुस गरे । तर संस्थापनका उम्मेदवार रामचन्द्र पौडेलले छातीलाई फराकिलो बनाउने नसकेको पटक पटक आरोप लागी रह्यो । पौडेलका सहयोगी नेताहरूले त्यसलाई पटक पटक पुष्टि पनि गरिदिए ।

पौडेलका कुशल सारथी र सहयोगी नेताहरू नहुँदा मुखैमा आएको गास गुमेको छ । १३औँ महाधिवेशनमा संस्थापनकै बढी प्रतिनिधि थिए । तर त्यसलाई समयमा व्यवस्थापन गर्न संस्थापन चुकेको छ । यसको प्रतिफल पौडेल समूहले पाइसकेको छ ।

पौडेललाई हराउन उनकै समूहका कृष्णप्रसाद सिटौला र गगन थापा सक्रिय भएर मैदानमा उत्रिए । सिटौला र थापालाई जे आरोप र आक्षेप लगाए पनि यसको मुल जड अहिलेलाई होइन यसअघि आफूले रोपेको वृक्षलाई ध्यान दिनुपर्छ । त्यो सानो वृक्षले अहिले आफ्नो आकार लिएको छ । र देखाइ दिएको छ ।

संस्थापन समूहले देउवाको जितलाई सिटौला वा थापाको उम्मेदवारीलाई मात्रै देख्नु हुँदैन । किन भने संस्थापनले समयमा राम्रो काम गरेको भए यो अवस्था भोग्नु पर्ने थिएन । संस्थापनले अर्को सुधार गर्नुपर्ने विषय कार्यकर्ता नचिन्ने र ठूलो हुने प्रवृत्ति तत्काल त्याग्नुपर्ने संकेत पनि यो १३औँ महाधिवेशनले दिएको छ ।

यति मात्रै होइन प्रभावशाली नेता खुमबहादुर खड्काले पनि देउवालाई समर्थन गरे । मानेपनि नमाने पनि खड्कासँग थोरै भए पनि कार्यकर्ता छन् । खड्का कार्यकर्ता संरक्षण गर्ने अब्बल नेतामा पर्छन् ।

देउवालाई समर्थन गर्नेमा अर्जुन नरसिंह केसी, फरमुल्लाह मन्सुसर, विश्वप्रकाश शर्मा, पूर्णबहादुर खड्का, केशव बुढाथोकी, चन्द्र भण्डारी आदिको सहयोगले पनि देउवालाई जित्न सहज भइदियो ।

संस्थापनकै बलियो समूह कुलबहादुर (केवी) गुरुङ, गोविन्दराज जोशी, विनयध्वज चन्द, लक्ष्मणप्रसाद घिमिरे जस्ता दीग्गजको समर्थनले पनि देउवालाई जितमा अझै सहज भयो ।

सत्ता र शक्तिमा रहँदासम्म अरुलाई नदेख्ने नचिन्ने प्रवृत्तिले पनि यस पटक संस्थापनले नराम्रोसँग हार व्यहोर्नु परेको हो । सुःखदुःखमा साथ दिने नेतालाई कार्यकर्ताले साथ दिन्छन् । यस्तै भएको छ यस पटक देउवालाई । देउवाले नेता तथा कार्यकर्ता संरक्षण गर्न सक्ने नेताका रुपमा छवि बनाएका छन् । उनलाई समर्थन गर्ने सबै केन्द्रीय नेताहरूले कार्यकर्ता संरक्षण गर्ने क्षमता राख्छन् । यसको फाइदा अहिले देखियो ।

संस्थापन समूहले देउवाको जितलाई सिटौला वा थापाको उम्मेदवारीलाई मात्रै देख्नु हुँदैन । किन भने संस्थापनले समयमा राम्रो काम गरेको भए यो अवस्था भोग्नु पर्ने थिएन । संस्थापनले अर्को सुधार गर्नुपर्ने विषय कार्यकर्ता नचिन्ने र ठूलो हुने प्रवृत्ति तत्काल त्याग्नुपर्ने संकेत पनि यो १३औँ महाधिवेशनले दिएको छ ।

अब कुनै परिवारको पुच्छर बनेर मात्रै राजनीति गर्न सकिन्छ भन्ने मान्यता तोडिएको छ । संस्थापन हौँ भन्ने र पटक पटक मन्त्री बनेका केही नेताहरूले पनि संस्थापन हराउन ठूलो भूमिका खेलेका छन् । अब यी सबै विषयलाई संस्थापनले सुधार गर्नुपर्ने भने देउवाले त्यसलाई पाठका रुपमा मनन गर्नु अर्को पटकका लागि उपयुक्त हुन्छ । होइन भने यस्तो पाठ फेरि पनि भोग्न नपर्ला भन्न सकिँदैन ।

यो समग्री नेपाल१२३.com मा पुरै पढौं