भिडियो – कांग्रेस महाधिवेशन स्थलमा कुटाकुट, पौडेल समूहका एकको मुखै फुट्यो

काठमाडौं, २४ फागुन । कांग्रेसको १३औं महाधिवेशनस्थल भृकुटीमण्डपमा संस्थापन र देउवा पक्षका कार्यकर्ताबीच झडप भएको छ ।

आ-आफ्नो पक्षमा प्रचार र नाराबाजी भईरहेको बेला सभापतिका उम्मेदवार रामचन्द्र पौडेल र शेरबहादुर देउवा पक्षका कार्यकर्ताबीच झडप भएको घटनास्थल पुगेका हाम्रा सहकर्मी विमल योगीले जानकारी दिए ।

उनले भने- ‘८-१० जनाको समूहमा रामचन्द्रका कार्यकर्ताले नाराबाजी गरिरहेका थिए । त्यही नजिकै खुमबहादुर खड्काको समूह उभिएर भोट मागिरहेका थिए । देउवा र खड्का समूहलाई तथानाम गालि गरेपछि कार्यकर्ताबीच झडप भयो । घटनामा रामचन्द्र पौडेल समूहको प्रचार गरिरहेका एक कार्यकर्ताको मुखै फुटेको छ ।’

घटनालाई प्रहरीले हस्तक्षेप गरी नियन्त्रण लिएको डिएसपी रेवती ढकालले बताए । डीएसपी ढकालका अनुसार घाइते कार्यकर्तालाई अस्पताल लगिएको छ ।

हेर्नुस् भिडियोः

भिडियोः विजपाटीबाट ।

यो समग्री नेपाल१२३.com मा पुरै पढौं