काठमाडौं, २२ चैत । अन्तर्राष्ट्रिय क्रिकेट काउन्सिल (आइसीसी)ले भारतीय क्रिकेटर विराट कोहलीको कप्तानीमा टिम अफ द टुर्नामेन्ट घोषणा गरेको छ ।
आइतबार सम्पन्न टी–२० विश्वकपमा उत्कृष्ट प्रदर्शन गर्ने विभिन्न टिमका १२ खेलाडीहरु समेटेर सोमबार टिम अफ द टुर्नामेन्ट घोषणा गरिएको हो ।
आइसीसीले घोषणा गरेको टिममा भारतीय राष्ट्रिय क्रिकेट टिमका कप्तान महेन्द्रसिंह धोनी, वेष्ट इण्डिजका क्रिकेटर क्रिश गेल भने परेनन् ।
टोलीमा सबैभन्दा धेरै इंग्ल्याण्डका ४, उपाधि बिजेता वेष्ट इण्डिजका २, भारतीय टोलीबाट २, दक्षिण अफ्रिका, अष्ट्रेलिया र न्युजिल्याण्डका १–१ खेलाडी उत्कृष्ट ११ को सूचीमा परेका छन् । यसैगरी बंगलादेश १ जनालाई वैकल्पिक खेलाडीका रुपमा टिममा समावेश गरिएको छ ।
आइतबार सम्पन्न आइसीसी टी–२० विश्वकपमा इंग्ल्याण्डलाई हराउँदै वेष्ट इण्डिजले उपाधि कब्जा गरेको थियो ।
को-को परे ?
जोए रुट (इंग्ल्याण्ड)
जस बट्लर (इंग्ल्याण्ड)
ज्यासन रोय (इंग्ल्याण्ड)
डेभिड विली (इंग्ल्याण्ड)
स्यामुएल बद्री (वेष्ट इण्डिज)
आन्द्रे रसेल (वेष्ट इण्डिज)
विराट कोहली (भारत)
आशिष नेहरा (भारत)
क्वीन्टन डि कक (दक्षिण अफ्रिका)
शेर्न वाट्सन (अष्ट्रेलिया)
मिचेल स्टान्टर (न्युजिल्याण्ड)
मुस्ताफिजुर रहमान (बंगलादेश)
यो समग्री नेपाल१२३.com मा पुरै पढौं
No comments:
Post a Comment