‘नेपाली’ भान्छे मालिकको सम्पत्ति लुटेर टाप

२ चैत, काठमाडौं । आफूलाई नेपाली बताउने एक भान्छे (कुक) मालिकको सम्पत्ति लुटेर मालिककै जागुअर कार चढेर भागेका छन् ।

विकाश कौसिक गुडगाउँका प्रहरीमा परेको उजुरीबारे जानकारी दिँदै

घटना भारत गुरगाउँको हो । शंकर नाम गरेका व्यक्ति अमित रानाको घरमा कुक काम गर्थे । अप्रिल २ मा उनले घरमा भएको गरगहना, बहुमूल्य बस्तुसहित मालिकको महंगो कार चोरेर भागेका छन् ।

भारतीय टीभी न्यूज २४ का अनुसार रानाकी पत्नीले आफूलाई नशालु पदार्थ खुवाएर घरमा चोरी गरेको भन्दै प्रहरीमा उजुरी दिएकी छिन् । उनी फर्कंदा त कार पनि चोरी भएको थाहा पाइन् ।

घटना भएको बेला अमित राना देश बाहिर थिए । शंकर नेपालको पहाडी इलाकाको भएको बताइएको छ । तर विस्तृत ठेगाना खुलाइएको छैन ।

समाचारमा जनाइए अनुसार कार साँझ पनि अपार्टमेन्ट नजिकै भेटिएको छ । प्रहरीका अनुसार अपार्टमेन्टमा रहेको सुरक्षा गार्डलाई झुक्याउन चोरीमा जागुअर कार प्रयोग गरेको हुनसक्छ ।

यो समग्री नेपाल१२३.com मा पुरै पढौं