काठमाडौं उपत्यकामा आजदेखि गुड्यो मेट्रो बस, अब उभिएर यात्रा गर्न नपर्ने

काठमाडौं, ३० फागुन । देशमै नौलो प्रविधिसहितको मेट्रो बस आजदेखि काठमाडौं उपत्यकामा सञ्चालनमा आएको छ ।

अनेक थरी सुविधा भएको मेट्रो बसलाई महानगर यातायात प्रालिले सञ्चालनमा ल्याएको हो । महानगरले सुरुमा १६ करोडको लगानी गरेर ३९ वटा बस गुडाएको हो ।

यो बस सञ्चालनमा आउँदा उपत्यकाको अस्तव्यस्त ट्राफिक व्यवस्थामा पनि सहज हुने विश्वास गरिएको छ । चक्रपथ परिक्रमासहित रुट रहेको यो बसमा लोकेसन ट्रयाकिङ सिष्टमसहितको मोबाइल एप्स पनि संचालनमा ल्याइएको छ ।

यो एप्सबाट यात्रुहरुले आफू बसेको स्थानबाट नजिकैको दुरीमा रहेको बस र यात्रुको संख्याबारे समेत जानकारी लिन सक्ने महानगर यातायात प्रालिका सदस्य सन्तोष खतिवडाले बताए । उनले भने- बस चढ्नका लागि समय कुर्ननपर्ने र एप्स हेरेर बस आउने समय पत्ता लगाएर बस स्टपमा जान सकिनेछ । बसमा उपलब्ध निशुल्क वाइफाइ तथा टेलिभिजनको सुविधा पनि छ ।

उनका अनुसार बनस्थलीबाट औपचारिक कार्यक्रम गरी आइतबारबाट बस सञ्चालनको सुरुआत गरिएको हो ।

यो समग्री नेपाल१२३.com मा पुरै पढौं