स्मृति अब नायिका

फाल्गुन २९, २०७२- अभिनेत्री रेखा थापाले निर्माण एवं अभिनय गरेको चलचित्र ‘हिम्मतवाली’ बाट नेपाली रजतपटमा भित्रिएका नायक सुदर्शन गौतम अहिले नयाँ चलचित्र ‘हिम्मतवाला’ को तयारीमा जुटेका छन् ।

अप्रिलको पहिलो हप्ता छायांकनमा जाने यो चलचित्रमा सुदर्शन सोलो नायकका रूपमा देखा पर्दैछन् । क्यानाडा र अमेरिकामा छायांकन हुन लागेको ‘हिम्मतवाला’ को नायिका गायिका तथा मोडल स्मृति पोखरेल रहने पक्का भएको छ ।

अस्ट्रेलियामा बस्दै आएकी स्मृति अहिले नेपालमै छिन् । स्मृतिले चलचित्रका बारेमा कुरा गर्दै आफू चलचित्र ‘हिम्मतवाला’ लाई लिएर निकै उत्साहित रहेको बताइन् । पोखरेलले भनिन्, ‘म सुदर्शन गौतमसँग काम गर्दैछु भन्ने कुराले अझ बढी उत्साहित भएको छु । उहाँ आफैंमा हिम्मतवाला भएका कारण पनि मलाई यो चलचित्रले आफ्नो करियर अघि बढाउन मद्दत पुग्छ भन्नेमा ढुक्क छु ।’ स्मृति भन्छिन्, ‘म खासमा गायिका हुँ । मैले दुईवटा एल्बम पनि सार्वजनिक गरिसकेकी छु । गायनमा झैं मलाई दर्शकहरूले चलचित्रको पर्दामा पनि रुचाउनुहुनेछ भन्नेमा विश्वस्त छु ।’ यो चलचित्रको छायांकनका लागि उनी मार्चमा क्यानाडातर्फ प्रस्थान गर्नेछिन् ।

यो समग्री नेपाल१२३.com मा पुरै पढौं