जीवनको करिअर जोगाउने योगेश

नायक जीवन लुइटेल केही दिन अगाडि मात्र अमेरिकाबाट नेपाल फर्किए । नेपाली चलचित्र क्षेत्रमा उनको क्रेज हिजोको जस्तो छैन । जीवनको करिअरको सुरुवातमा केही चर्चित हिट चलचित्र बजारमा आएका थिए । तर, अहिले जीवन सुस्ताएका छन् । यो बर्ष उनको कुनै पनि हिट चलचित्र बजारमा आएन ।

यसैले पनि अब जीवनलाई चलचित्र क्षेत्रमा टिक्न गाह्रो हुन्छ भन्ने चर्चा पनि गरिन्छ । तर, जीवनलाई  हिट बनाइरहेका निर्देशक योगेश घिमिरे फेरि उनको करिअर जोगाउन अगाडि सरेका छन् । नायक जीवन लुइटेललाई लिएर योगेशले नयाँ चलचित्र बनाउने भएका छन् जसको अहिले धमाधम गीत रेकडिङको काम भैरहेको छ ।

रोचक कुरा त के छ भने यो चलचित्रमा योगेश र चलचित्र लेखक प्रदिप भारद्धाजले प्याचअप गर्दैछन् । करिब ६ बर्ष अगाडि यी दुई विविध कारणले अलग भएका थिए ।

तर, अब भने यी दुइले यही चलचित्रमा सहकार्य गर्न लागेका छन् । योगेशले निर्देशन गरेका ‘नोटबुक, भुल भूलैया’का गीत हिट भए जसले  जीवनलाई पनि फाइदा भयो । हेरौ, अमेरिकाको ग्रिन कार्ड नै पाइसकेका भनी चर्चामा रहेका जीवनलाई यसपटक भने योगेश फाप्छन् या फाप्दैनन् ।

यो समग्री नेपाल१२३.com मा पुरै पढौं