पाँच रुपैयाँ कपमा चिया बेचेर १० लाखमा घडेरी !

३ चैत, मोरङ। अहिलेको बजारमा एक कप चियाको मूल्य कति पर्ला ? रु १०, १५, २० वा त्यो भन्दा बढी ? तर मोरङको कोसी हरैँचा नगरपालिका विराटचोकका लीलाप्रसाद सञ्जेलले भने त्यो भन्दा निकै कममा अर्थात पाँच रुपैयाँ कप चिया बेच्दै अाएका छन् ।

पाँच वर्षअघि सम्म एक रुपैयाँ कप चिया बेच्नुभएका सञ्जेलले सबै महँगी धानेर चियाको दाम पाँचभन्दा माथि बढाएका छैनन् । ६५ रुपैयाँ लिटरको दुग्ध, ७० रुपैयाँ किलो चिनी र इन्धनको अभावमा समेत उहाँले पाँच रुपैयाँ कप चिया बेच्दै आएका छन् ।

करिब तीन दशकसम्म खेती गर्दा पनि आर्थिक लाभ नभएपछि सञ्जेलले करिब १० वर्षअघि विराटचोकमा चिया पसल थालेका थिए ।  पाँच रुपैया कप बजारको मूल्य हुँदा उनले एक रुपैयाँ कप चिया बेच्न थालेका थिए । ५० वर्षीय सञ्जेलको चिया पसलबाहेक अरू कुनै व्यवसाय छैन । सो चिया पसल गरेरै सञ्जेलले विराटचोकमा १० लाखमा घडेरी किनेका छन् ।

त्यति मात्र होइन उनले चिया पसलबाटै भएको आम्दानीले दुईवटी छोरीको विवाह गरेको सुनाए ।  लीलाप्रसाद सङ्खुवासभा जिल्लाको आँखीभुइँबाट २०३३ सालमा तराई झरेका थिए ।

रासस

यो समग्री नेपाल१२३.com मा पुरै पढौं