आफूविरुद्ध लड्न भारत र अमेरिका एक भएपछि चीन सतर्क

काठमाडौं, २ वैशाख । भारत र अमेरिकाबीच सैद्धान्तिक रुपमा मिलिटरी लजिस्टिक्स सम्झौता (सैन्य सम्झौता) पछि चीन सतर्क बनेको भारतीय सञ्चारमाध्यमले जनाएका छन् ।

भारतको संस्थापन निकट मानिने पत्रिका नवभारत टाइम्सले भारत र अमेरिका एक भएर लड्ने सम्झौता गरेपछि चीनले सतर्कता अपनाएको हो ।

जसअनुसार भारतका रक्षामन्त्री मनोहर पर्रिकरको अर्काे साता हुने चीन भ्रमणमा यो मुद्दा उठाउने संकेत बेइजिङ दिएको छ ।

चिनियाँ विदेश मन्त्रालयका प्रवक्ता लू काङ्गले यो सम्झौताबारे सोधिएको प्रश्नमा भने- ‘हामी अमेरिकी रक्षामन्त्री इश्टन कार्टरको भारत भ्रमणसँग जोडिएका खबरहरु सुनेका छौं । भारत संसारको एक प्रभावशाली देश हो र भारतको स्वतन्त्र कुटनीतिक नीति छ । भारत आफ्नो हितमा आफ्नो कुटनीतिक नीति तयार गर्नेछ ।’ भारतका रक्षामन्त्री १८ अप्रिलका दिन चीन जानसक्ने समेत समाचार उल्लेख छ ।

यद्यपी भ्रमणबारे दुबै देशले मिति तय गरिसकेका छैनन् । तर, चिनियाँ विदेश मन्त्रालयका प्रवक्ता काङ्गले भारतका रक्षामन्त्री चाँडै चीन भ्रमणमा आउने कुरा प्रेस कन्फ्रेन्समा सञ्चारकर्मीलाई जानकारी दिए ।

पछिल्लो समय चीनले भारतमा पर्ने हिन्द महासागरका सीमा टापुहरु धमाधम कब्जा गरिरहेको छ । भर्खरै मात्र २५० टापु नियन्त्रणमा लिएपछि भारत चिन्तित बनेको समाचार आएको थियो ।

यसैक्रममा मंगलबार हिन्द महासागरमा चीनको प्रभाव कम गर्न भारत र अमेरिकाबीच महत्वपूर्ण सैन्य सम्झौता भएको थियो । जसमा दुबै देशका सेनाहरु मिलिटरी सप्लाई, रिपेयर र अन्य अप्रेशनहरुका लागि एक अर्काको जमिन, आकाश, र समुद्री अड्डा (बन्दरगाहा)प्रयाग गर्न पाउनेछन् । यसका साथै एक अर्काको देशमा युद्धक विमान र युद्धपोतका इन्धन जस्ता संसाधन सजिलैसँग पाइनेछ ।

यो समग्री नेपाल१२३.com मा पुरै पढौं