छुरा प्रहारबाट घाइते भएका साउदी अरबका लागि नेपाली कार्यवाहक राजदूत शर्मा अस्पतालबाट डिस्टार्ज

छुरा प्रहारबाट घाइते भई अस्पताल भर्ना हुनुभएका साउदी अरबका लागि नेपाली कार्यवाहक राजदूत आनन्दप्रसाद शर्मालाई डिस्चार्ज गरिएको छ । उपचारपछि शर्माको अवस्था अहिले सामान्य रहेको छ ।

छुरा प्रहारबाट मुख, काँध र औँलामा गम्भीर चोट लागेका शर्मालाई उपचारपछि हिजो साँझ डिस्चार्ज गरिएको दूतावासका द्वितीय सचिव विजय राउतले जानकारी दिनुभयो । राउतका अनुसार शर्माको काँध र मुखमा टाँका लगाइएको छ । शर्मालाई हिजो बिहान करिब ११ बजे दूतावासमै छुरा प्रहाभएको थियो । उहाँलाई कार्यकक्षमै प्रवेश गरेर एक्कासि आक्रमण भएपछि दूतावासका कर्मचारीको सहयोगमा साउदी प्रहरीले उद्दार गरेको थियो ।

शर्मालाई आक्रमण गर्ने सुनसरीका लक्ष्मणबहादुर राई भने एक महिनाअघि देखि स्वदेश फिर्तीका लागि दूतावासकै आश्रयमा बस्दै आएका थिए । दूतावासका अनुसार मानसिक रोगी रहेका राईलाई केही दिन भित्रैमा स्वदेश पठाउने तयारी भइरहेको थियो । छुरा प्रहार गर्ने राईलाई साउदी प्रहरीले नियन्त्रणमा लिएर कार्वाही प्रक्रिया अगाडि बढाएको छ ।

यो समग्री नेपाल१२३.com मा पुरै पढौं