काठमाडौं, २ वैशाख । चैतेदशैंको अवसरमा सशस्त्र प्रहरी बलको निशान, कोत तथा मौलोपूजा बैशाख २ गते वैदिक विधिपूर्वक सशस्त्र प्रहरी बल बगलामुखी विशेष कार्यदल गण हल्चोक स्वयम्भुमा सम्पन्न भएको छ ।
कायम मुकायम सशस्त्र प्रहरी महानिरीक्षक दुर्जकुमार राईको उपस्थितिमा सम्पन्न भएको उक्त मौलोपूजा कार्यक्रममा सशस्त्र प्रहरी अतिरिक्त महानिरीक्षकहरु सिंहबहादुर श्रेष्ठ, प्रेमकुमार शाही, प्रकाश ओझा लगायत एपीएफ अधिकृत तथा जवानहरुबाट पूजाअर्चना र मौलो परिक्रमा गरिएको थियो ।
सशस्त्र प्रहरी व्याण्डको मंगलधुनबीच सुरु भएको मौलोपूजा कार्यक्रममा सशस्त्र प्रहरी बलको एक टोलीले निशान भगवती सलामी अर्पण गरेको थियो ।
पूजाको संकल्प साईत बिहान सात बजेर पाँच मिनेट रहेको उक्त मौलोपूजा कार्यक्रममा महानिरीक्षक राईले सशस्त्र प्रहरी बलको निशानमा पञ्जा छाप लगाउनु भएको थियो ।
सशस्त्र प्रहरी बलले वडादशैं तथा चैतेदशैंको अवसरमा परम्पराअनुसार मौलो तथा निशान पूजा गर्ने गरेको छ ।
महानिरीक्षक राईले मौलोपूजा संचालन तथा व्यवस्थापनमा उत्कृष्ट कार्यगर्ने सशस्त्र प्रहरी कर्मचारीहरुलार्ई त्यसैअवसरमा पुरस्कृत समेत गर्नुभएको थियो ।
कार्यक्रममा सशस्त्र प्रहरी बलका अधिकृत तथा जवानहरुको समेत उपस्थिति रहेको थियो ।
यो समग्री नेपाल१२३.com मा पुरै पढौं
No comments:
Post a Comment