‘रोमियो’ संवादमा यस्तो सुनियो-‘हाम्रो त ग्राहक अनुसार नाम फरक हुन्छ’

काठमाण्डौको एक कोठामा ११ दिनदेखि केही कलाकार संवादमा रटिएका छन् । संवादसँगै आफ्नो अभिनयलाई निखारता ल्याउन उनीहरु लागिपरेका छन् ।

अपि्रल २६ मा घोषणा गरेर २७ बाट छायांकनमा जाने तयारीका साथ निर्देशक सुमन घिमिरे कलाकारलाई अभिनय र संवादमा डुबाउँदैछन् । घिमिरे खुशी देखिए, कारण थियो कलाकारको मिहिनेत र उनले खोजे जस्तो प्रतिफल ।

एचआरके प्रोडक्शनको ब्यानरमा निर्माण हुन लागेको चलचित्र ‘रोमियो’को लागि कलाकारहरु वर्कशपमा व्यस्त छन् । हसनराज खान चलचित्रको शिर्ष भूमिकामा छन् भने श्रद्धा प्रसाइँ र ओसीमा बनुले यस चलचित्रबाट डेब्यू गर्दैछन् ।

हुस्न अली र एन्जल श्रेष्ठ पनि चलचित्रमा कलाकार हुन् । जो मुख्य ३ कलाकारसँगै अभिनय सिक्दैछन् । किरण माइकलको लेखन, रामेश्वर कार्कीको छायांकन, ताराप्रकाश लिम्बु, सुनिल पाण्डे र कुर्वान अली खानको संगीत रहने चलचित्रमा गम्भिर बिष्टको नृत्य निर्देशन, अष्ट महर्जनको एक्सन रहनेछ ।

‘दैनिक ४ घन्टा वर्कशप गरिरहेका छौ, हामी कलाकारलाई अभिनय भन्दा भूमिकामा डुबाउने कोशिशमा छौ’, निर्देशक सुमन घिमिरेले भने । मुख्य २ नायिका नयाँ भएपनि आफूहरुले खोजेजस्तो अभिनय पाएको उनले दाबी गरे ।

नायक तथा निर्माता हसन खान २ यूवतीका एक्ला रोजाइमा परेका यूवक हुन् । श्रद्धा र ओसिमा दुबै हसनको प्रेममा दिवाना छन् । ओसिमालाई हसन श्रद्धासँग नजिक भएको मन पर्दैन, तर श्रद्धा हसनको मन पगाल्दैछिन् । श्रद्धा ओसिमा र हसन दुबैलाई भन्दैछिन्-‘हाम्रो त ग्राहक अनुसारको नाम फरक हुन्छ ।’

निर्देशकले यो भन्दा बढी कथा नखुलाइदिन आग्रह गरे । लेखक किरण माइकलले कथावस्तुलाई यसपटक दर्शकले रुचाउने शैलीमा तयार पारेको बताए । अहिले नेपाली चलचित्रको छायांकन पूर्व वर्कशप गर्ने प्रचलन बढेको छ ।

यो समग्री नेपाल१२३.com मा पुरै पढौं