Tuesday, April 5, 2016

घडी फेरि दिल्लीतिर घुम्दै, यसरी पाक्दैछ ‘खिचडी’

काठमाडौं, २४ चैत । पछिल्लो दिन दृश्यमा उति धेरै नदेखिएको मात्र हो, तर संविधानसभासँगै सरकारका मामिलामा भारतीय चासो काठमाडौंमा तीव्र भएको छ ।

दिल्लप्मै राखेर नेपाली नेताहरूलाई संविधानमा आफ्ना सरोकारबारे सकेसम्म सहमत गराउने, नसके पनि ओली सरकारको विकल्प तयार पोर्न कुरालाई मुख्य एजेन्डा बनाइएको स्रोतले जनाएको छ । जनआस्था साप्ताहिकले समाचार छापेको छ ।

कांग्रेस सभपाति शेरबहादुर देउवा आज हुने संसदीय दलको चुनावलगत्तै दिल्ली जाँदैछन् । आजको निर्वाचनमा उनको पल्लाभारी छ ।

पारिवारिक स्रोतसँग दिल्ली यात्राबारे सोध्यो । पत्नी आजदु देउवाको स्वास्थ्यउपचारका नाममा उनी जाने स्रोतले पुष्टि गरेको छ ।

तर, दिल्ली नै जानुपर्ने, अस्पतालै भर्ना हुनुपर्ने गरी उपचार गर्नुपर्ने त्यस्तो कुनै समस्या आरजुमा छैन । स्रोतले भन्यो, ‘अप्रेसन गर्नुपर्ला कि जस्तो छ, त्यसैले सपरिवार जान लाग्नुभएको छ ।’

तर शेरबहादुर देउवाको दिल्ली भ्रमणको टुंगो लाग्नुअघि भारतीय पक्षले सत्तासाझेदारीका ‘किम्यान’ प्रचण्डसँग कुरा गरेको थियो । प्रचण्डलाई कुरा गर्ने तहमा पुगाउनै भारतीय पक्षलाई मुस्किल प¥यो ।

उनले सुरुमा नेपालको राजनीतिमा बढ्दो भारतीय चासोको बचाव गर्न आफूलाई निम्तो गरिएको खुलस्तै बताए । तर, प्रधानमन्त्रीको चीन भ्रमणपछि भने प्रचण्ड र भारतीय पक्षबीच केही गम्भीर छलफल भएका छन् ।

उनले आफू पहिला भारत जाने कुरा अस्वीकार गरे । सल्लाह दिए, ‘पहिला शेरबहादुरजीलाई बोलाउनुस्, उहाँ गएपछि म आचौँला ।’

उनैले दिएको तरिकाअनुसार जब शेरबहादुर दिल्ली उड्छन्, तब नेपालमा सरकार परिवर्तनबारे एउटा तरंग मच्चिन्छ । संविधानघोषणा हुनअघि पनि यिनै दुई नेता पालैपालो दिल्ली निम्त्याइएका थिए । शेरबहादुर फर्किएपछि प्रचण्ड दिल्ली उड्दा सरकारको बचावका लागि गएजस्तो देखिने कारण उनले यस्तो सुझाएका हुन् ।


यो समग्री नेपाल१२३.com मा पुरै पढौं

No comments:

Post a Comment