ब्रान्ड, करिअर र इज्जतमा घेरिएको ‘नाई नभन्नु ल ४’

कुनै कुनै चलचित्रको व्यापार निर्माताको गोजी भर्नका लागि मात्र हुँदैन । केही चलचित्र यस्ता हुन्छन्, जसको व्यापारले निर्माता, निर्देशक, ब्यानरदेखि कलाकारको भविष्यलाई पनि अगाडि बढाउन मद्दत गर्छ ।

शुक्रबारदेखि प्रदर्शनमा आउन लागेको चलचित्र ‘नाई नभन्नु ल ४’ यस्तै एक चलचित्र हो, जसले विभिन्न कुरालाई पनि सँगै लिएर दौडिएको छ । अगाडिका ३ वटा सिक्वेल हिट भएर ब्रान्ड बनेको यो चलचित्रको चौथो सिरिज पनि चल्यो भने यसको ब्रान्ड अझ मजबुत बन्नेछ । चलचित्रबाट ३ जना कलाकार नेपाली रजतपटमा उत्रदैछन् । मोडल पल शाह, बर्षा राउत र आँचल शर्मा यो चलचित्रका नयाँ अनुहार हुन्, जसको करिअर यही ब्रान्ड चलचित्रसँग जोडिएको छ ।

निर्देशक विकास आचार्यको सफलता ‘नाई नभन्नु ल’ सँग जोडिएको छ । विकास यो चलचित्र चलेको खण्डमा उनी फेरि भाग्यमानी साबित हुनेछन् । नेपाली चलचित्रकी सर्वाधिक व्यस्त नायिका प्रियंका कार्कीको आजसम्म आफ्नै दमले कुनै पनि चलचित्र चलेका छैनन् । यो चलचित्रमा दर्शकमाझ चिनिएकी कलाकार उनी मात्र एक हुन्, जसले गर्दा यो चलचित्र चल्यो भने उनलाई केही फाइदा हुनेछ ।

यो पटक यसको चौथो सिरिजलाई लिएर विभिन्न खालका बिश्लेषण पनि भैरहेको छ । ‘नाई नभन्नु ल ४’ ब्रान्ड, इज्जत र करिअरको लडाई शुक्रबारदेखि लड्दैछ ।

यो समग्री नेपाल१२३.com मा पुरै पढौं